شكشوكة الباذنجان

#وصفة #الرولي #صالي ✅✅😍😍😍

الجينواز صالي:

4 بيضات، سنة ثوم، 8 مغارف فرينة، مغرف كبيرة نشا، نصف فنجان زيت، نصف كاس لبن والا باط ياوورت ناتيغ، ملح، نصف كيس خميرة القاطو، و نص ربطة معدنوس..

طلعي بياض البيض وحدو مع قرصة ملح و خليه ابار. 

مع صفار البيض، حطي ملح، المعدنوس مقطع رقيق، الزيت ،نشا، الثوم خلطي ملييييح و زيدي اللبن ولا ياوورت ناتيغ، خلطيهم ملييييح و زيديلهم الفرينة، و زيدي اي ملون غذائي تحبي، و اللون لي تحبيه انا درت اللون الاصفر. 

زيدي للخليط الاول بياض البيض، و خليطي بشويا باش ما يتكسرش.

جيبي البلاطو و فرشية بورق كويسون و فرغي العجينة، و ابسطيها قدقد باش ما تجيش جيهة طالعة على ختها، و طيبيها... كي تنشف نحيها و غطيها مليح باش تعرق و ما تتكسرش ونتي ترولي فيها...

للحشوة، انا درت فرماج ابيض داويتو بمعدنوس، ثوم، فلفل اسود و احمر.

ادهني سطح الرولي كيما راه بالفرماج، و باش ديري الالوان زيدي واش تحبي، انا درت زيتون كحل مقطع، ماييس، طماطم مقطعة صغيرة... لك حرية الاختيار 

رولي الجينواز و حطيها في سارفيات، و خليها في الفريجيدار حتى تحكم روحا.... قطعيها و التزيين من اختيارك 😋😍 اللي دير جام ربي يرزقها واش متمنية 😍😍😍